Como é coñecido polos veciños do municipio, estase a tramitar o Polígono Agroforestal en Remuíño, iniciándose os traballos de investigación da propiedade dos terreos.
Co fin de reunir os datos necesarios para identificar aos titulares das parcelas afectadas, persoal técnico da Axencia Galega de Desenvolvemento Rural desprazarase ao municipio novamente para atender as persoas titulares das parcelas incluídas no polígono agroforestal e recoller documentación, así como para resolver as cuestións que poidan prantexar os afectados.
O local antigo Tele Club de Remuíño será o lugar onde se atenderán as persoas afectadas, nas seguintes datas e horarios:
Serán os días 9 e 11 de Abril (martes e xoves) en horario de 10 a 14h e de 15 a 18h.