D. Rodrigo Aparicio Santamaría, Alcalde-Presidente do Concello da Arnoia (Ourense):
O presente comunicado é de especial interese para aqueles veciños do municipio que dispoñan de vehículos agrícolas, considerándose como tales os seguintes:
- Tractores agrícolas
- Motocultores
- Maquinaria equiparada: motoguadaña, motosegadoras e similares
📅 Os días 23 e 24 de setembro, desprazarase ao municipio unha unidade móbil da ITV para realizar a inspección técnica dos vehículos agrícolas citados, que se situará nas proximidades da nave de maquinaria do Concello (Urbanización Vila Termal).
O horario será o seguinte:
- Día 23: de 9:00 a 13:30 h e de 15:15 a 18:00 h
- Día 24: de 9:00 a 13:30 h
➡️ Poderase solicitar cita previa no teléfono 981 92 80 80 ou na páxina web: www.sycitv.com
Requisitos dos vehículos no momento da inspección
Documentación obrigatoria:
- Tarxeta ITV
- Permiso de circulación
- Cartilla de inspección agrícola
En defecto dos documentos anteriores, deberá aportarse calquera outro que xustifique as características técnicas dos vehículos, así como a súa propiedade.
Revisións técnicas:
- Catadióptricos e reflectores:
- Tractores: non triangulares e de cor vermella na parte posterior.
- Remolques: non triangulares e de cor branca na parte anterior e triangulares e de cor vermella na parte posterior.
- Correcto funcionamento do sistema de alumeado e sinalización.
- Proxectores e tulipas en perfecto estado.
- Número de bastidor e motor limpos.
- Correcto funcionamento da instalación eléctrica.
- Correcto estado da dirección.
- Estado de frenos de servicio e estacionamento.
- Estado do piso dos remolques.
- Luz xiratoria de cor amarela obrigatoria na maquinaria agrícola autopropulsada (excepto motocultores e similares).
📌Recordar que a inspección dos vehículos agrícolas é obrigatoria, polo que é unha boa oportunidade para non ter que desprazarse lonxe a realizala.