A Xunta de Galicia, a través do Instituto Galego da Vivenda e Solo (IGVS), publicou as bases para o novo programa de axudas destinadas á rehabilitación, ampliación ou terminación de vivendas no rural. Dado que A Arnoia conta con menos de 5.000 habitantes, os nosos veciños e veciñas poden beneficiarse destas subvencións plurianuais.
En que consisten estas axudas?
O obxectivo desta iniciativa da Xunta é financiar obras en concellos galegos de pequeno tamaño. Pódense solicitar para:
- Rehabilitación integral: Inclúe actuacións de accesibilidade, conservación, habitabilidade, sustentabilidade e eficiencia enerxética.
- Protección contra o gas radón: Medición e execución de obras para evitar a súa entrada ou garantir a súa eliminación.
- Ampliación ou terminación de vivendas.
- Cambio de uso: Actuacións para destinar locais e entreplantas a vivenda
Contía da subvención:
O apoio económico da Xunta é moi importante para os propietarios:
- A axuda pode acadar o 75% do orzamento protexido das obras.
- O límite máximo é de 30.000 € por vivenda.
Quen pode solicitalas?
- Persoas físicas: Que sexan propietarias ou usufrutuarias e acrediten ingresos non superiores a 6,5 veces o IPREM.
- Vivendas para alugueiro: Se a vivenda se destina ao alugueiro, non se aplica o límite de ingresos (máximo 3 axudas por persoa). Estas vivendas pasarán a formar parte do programa Fogar Vivo da Xunta.
Nota importante: As obras non poden estar iniciadas na data de publicación da convocatoria e o inicio das actuacións debe producirse dentro do exercicio 2026.
Prazos e presentación
- Prazo de solicitude: Dende as 9:00 horas do 21/01/2026 ata as 14:00 horas do 01/09/2026.
- Sistema de concesión: Concorrencia non competitiva (por rigorosa orde de presentación).
- Forma de presentación: Pode facerse de xeito electrónico ou presencia
Máis información
Para calquera dúbida, podes consultar a web oficial da Xunta (igvs.xunta.gal) ou contactar coa Área Provincial do IGVS en Ourense no teléfono 988 386 268. O código do procedemento é o V1435E.
